SeputarPati.Com-
Tekane
Covid-19 wiwit sasi Maret kepungkur, katon ngambra-ngmbra tekan ngendi-endi
,njalari ekonomine masyarakat melu kena dampak’e. ora sethitik usaha cilik sing
mandheg, melu sambat merga pageblug.
Bu
Sri lan Pak Gimin, Salah sijine perajin keripik tempe lan kacang, ing Dhukuh
Setulan Desa Sidoarjo Kecamatan Pati Kabupaten Pati Jawa Tengah. Sanajan omset
penjualane mudun lan modal usahane kurang nanging tetep kukuh.
Nalika
ditakoni penulis, Bu Sri, mratelakake, mbukak usaha keripik tempe wiwit taun
1997, nalika ngayahi usaha wis warek ngrasake pait getire urip. Sanajan keterak
pageblug corona, usahane tetep ditekuni kanthi semangat bisa kanggo cagak urip.
“Ngenani
masalah pemasaran rada sudha ora kaya biasane, pemasarane mung ing wewengkon
Pati antara liya, Margoyoso, Runting, Ronggowongso lan sakiwa-tengene.
dhene para bakul-bakul sing wis langganan teka njupuk dhewe,” kandhane Bu Sri
sinambi ngirisi tempe.
Bu
Sri nambahake, usaha iki kalebu industri keluarga amerga pekerjane isih mambu
sedulur, dhene pekerje liyane saka tangga sakiwa-tengen, amerga pandemi covid
karyawane sudha
Sabendhina
bisa nyandak bahan bakune tempe 80 lonjor/iji lan kacang mung 10 kg.
“
Dhene regane yen wis mateng keripik tempe sa-bungkus regane, Rp.5000,- yen
keripik kacang sa-bungkus regane uga Rp.5000,-. ngenani bab adol keripik ora
kwatir, naging sing dadi masalah yaiku
modal, aku ngajab supaya pemerintah bisa ninjau usaha produksi keripik lan
menehi bantuan kanggo tambah modal usaha,” kandhane. (Red/Dik)
Tags
Ekonomi